===============================================================================

Sab Se Awla Wa Ala Hamara Nabi
Sab Se Bala Wa Wala Hamara Nabi

Apne Maula Ka Pyara Hamara Nabi
Donon Alam Ka Dulha Hamara Nabi Sab Se

Bazme Aakhir Ka Sham-Aey Frozan Hua
Noore Awwal Ka Jalwa Hamara Nabisab Se

Jis Ko Shayan Hai Arshey Khuda Par Juloos
Hai Woh Sultane Wala Hamara Nabi Sab Se

Bujh Gayin Jis Ke Aagey Sabhi Masalein
Sham'a Woh Lekar Aya Hamara Nabi Sab Se

Jin Ke Talwon Ka Dhowan Hai Aabey Hayat
Hai Woh Jane Masiha Hamara Nabi Sab Se

Arsho Kursi Ki Thi Aaina Bandiyan
Sue-Aey Haqq Jab Sidhara Hamara Nabi Sab Se

Khalq Se Awliya, Awliya Se Rasool
Aur Rasoolon Se Ala Hamara Nabi Sab Se

Husn Khata Hai Jis Ke Namak Ki Qasam
Woh Malihey Dil Aara Hamara Nabi Sab Se

Zikr Sab Phike Jab Tak Na Mazkoor Ho
Namkeen Husn Wala Hamara Nabi Sab Se

Jis Ki Do Bund Hai Kausaro Sal Sabeel
Hai Woh Rehmat Ka Dariya Hamara Nabi Sab Se

Jaisey Sab Ka Khuda Ek Hai Wai Se Hi
Inka Unka Tumhara Hamara Nabi Sab Se

Qarnon Badli Rasoolon Ki Hoti Rahi
Chand Badli Se Nikla Hamara Nabi Sab Se

Kaun Dayta Hai Daine Ko Munh Chahi Ye
Daine Wala Hai Sach-Cha Hamara Nabi Sab Se

Kya Khabar Kitne Tare Khiley Chup Gaye
Per Na Dubey Na Duba Hamara Nabi Sab Se

Mulke Konein Mein Ambiya Taajdaar
Taajdaron Ka Aqa Hamara Nabi Sab Se

La Makaa'n Tak Ujala Jis Ka Woh Hai
Har Makaa'n Ka Ujala Hamara Nabi Sab Se

Sarey Achchhon Mein Achchha Samajhen Jis Se
Hai Us Achchhe Se Achchha Hamara Nabi Sab Se

Sarey Unchon Mein Uncha Samajhen Jis Se
Hai Us Unchey Se Uncha Hamara Nabi Sab Se

Jis Ne Tukre Kiye Hai Qamar Ke Woh Hai
Noore Wahdat Ka Tukra Hamara Nabi Sab Se

Sab Chamak Wale Ujlon Mein Chamka Kiye
Andhey Shishon Mein Chamka Hamara Nabi Sab Se

Jis Ne Murda Dilon Ko Di Umr Aabad
Hai Woh Jane Masiha Hamara Nabi Sab Se

Ghamzadon Ko Raza Muzdah Diji Ye Ke Hai
Be Kason Ka Sahara Hamara Nabi Sab Se