Allah Ke Habeeb Ka, Kitna Haseen Dayaar Hai Mausam Ho Koee Bhi Magar, Rehti Wahaan Bahaar Hai
Unki Zabaan Dil Nasheen, Kis Darjah Ba-Waqaar Hai Dushman Ko Bhi Rasool Ki, Bataun Par E'tebaar Hai
Marne Ke Baad Bhi Meri, Aankhein Na Band Ho Saki Mujh Ko Abhi Rasool Ki, Amad Ka Intezaaar Hai
Khuld E Baree Ka Tazkirah, Chedo Na Dosto Abhi Mere Tasaw'wuraat Me, Sarkaar Ka Mazaar Hai
Mere Qareeb Aasakay, Shaitaan Ki Hai Majaal Kya Noor E Khuda Ke Naam Ka, Maine Kiya Hisaar Hai
Mere Qareeb Aasakay, Najdi Ki Hai Majaal Kya Ahmed Raza Ke Naam Ka, Maine Kiya Hisaar Hai
Jabse Tabas'sumay Azeez, Shehre Madina Choot Gaya Yeh Jaan Nisaar Har Ghadi, Ab Dard Ka Shikaar Hai
|